اطلقت سعاد حسنى الشهيره باالسندريلا صيحه قوية منذ سنوات تقول أن (البنت زى الولد.....ماهيش كمالة عدد) ، بعدها تحولت الصيحة الى شعار يتبناه المجتمع بقوة ، لكننى لا أصدقه ولا اعتقد أن البنت زى الولد.. لأن الحقيقه مش كده خالص والأسباب كثيره..


1-بيقول المثل (الولد لخاله والبت لعمتها)أى أن الابن يشبه خاله والبنت تشبه عمتها، واذا لم يكن هناك فرق وكبر الولد وهو يشبه عمته وكبرت البنت وهى تشبه خالها.. تبقى مصيبة


2-يقول المثل (أعز الولد.. ولد الولد) ، ولم نسمع مثلا يقول (أعز البنت.. بنت البنت ).

3-تتم معاقبة الولد الذى يعاكس بنتا فى الشارع بمقولة (هو انت ما عندكش اخوات بنات يا كابتن)،
والبرغم من وجود بنات تعاكس أولاد فى النادى أو الجامعه أو الشارع فاننا لم نسمع واحدة تعاقب أخرى بمقولة(هو أنتى ما عندكيش أخوات أولاد يا
"mozza"

4-الولد يقدر يفك الأنبوبه وينزل يغيرها وكمان يركب الانبوبة الجديدة ويجربها ..البنت بالكتير قوى ممكن تصرخ وهيا فى المطبخ (يا ماما.. الأنبوبة فضيت)

5-البنت ممكن كلمه صغيره تجرحها وتخليها تبكى.. الولد عنده طبقه جلد سميكه فوق مشاعره بتخليه يحس أقل وعمره ما يعيط، ولو مرة عيط .. كل الناس هتفهمه بانه (بيعيط زى البنات)

6-لو فيه موسيقى شغاله صعب حد يقول للولد ما تقوم ترقص شويه.

7-الولد ممكن يرقص فى الشارع فى زفه ابن عمه، البنت اخرها تسقف وتزغـرت وتحترم نفسها

8- البنت لما تحط ماكياج تبقى احلى ، والولد لما يحط ماكياج يبقى بلياتشو.

9- الولد مش مضطر يمشي بشنطه


10- الولد ممكن يقلع جزمته فى الشارع ويديها للراجل بتاع الورنيش يلمعها له.. البنت مستحيل.


11-لو البنت زى الولد ابقى انا زى بنت خالتى، وتبقى "اليسا" زى "عصام الحضري"
و"الهام شاهين" زى "يوسف شعبان"

12- الولد ممكن يقعد عند الميكانيكى ويشرب عنده الشاي، ماعرفش ايه الميزه فى كده ، بس اللى اعرفه ان البنت ماينفعش تقعد عند الميكانيكى...

13-الولد يقدر ينهى مكالمة تليفون فى اقل من ثانيه..
لأنه مش رغاى ، يقدر يعمل مكالمه يقول فيها كل اللى عايزه بسرعه، ودا معناه فاتوره تليفون اقل أو كارت شحن عمره اطول .
البنت ممكن تخلص كارت شحن بــ(150)قبل ما تدخل فى الموضوع

ههههههههههههههههههههههههه

لوووووووووووووووول
همموووت من الضحك

جمييييييييييييييل جدا جدا جدا

بس فيه اشياء بتتعمل في الطرفين من الللي فاتت في الزمن ده
دوري انتي بقي

ههههههههههههههههههه
لا حلوه
ياترى ايه هى الحاجات المشتركه دى
اوعى يكون قصدق على الانبوبه

ههههههههههههههههههه
دوري انتي بقي انتي شوفتي بعينك

انا لصراحه دورت مش لقيت حاجه